SANGOMA AZIMIA AKITOA MAJINI

Sangoma akiwa hoi baada ya kushambuliwa.

INASHANGAZA sana! Katika hali isiyokuwa ya kawaida mganga wa kienyeji ‘sangoma’ mmoja aliyefahamika kwa jina la Lambalamba amejikuta akiingia kwenye hatua ya nusu kifo kufuatia kupoteza fahamu baada ya kuelemewa na majini aliyokuwa akiyatoa shuleni. 

Tukio hilo la aina yake lilijiri hivi karibuni maeneo ya Kiluvya - Madukani jijini Dar es Salaam kwenye Shule ya Msingi Makurunge ambapo sangoma huyo aliitwa kuyatoa majini yaliyokuwa yakiwafanyia mauzauza wanafunzi na walimu.

ILIVYOKUWA

Kwa mujibu wa shuhuda mmoja wa tukio hilo, wanafunzi wa shule hiyo wamekuwa wakisikia sauti za ajabuajabu shuleni hapo hali iliyokuwa ikiwafanya wasome kwa hofu. “Hali hiyo ilipozidi baadhi ya wanafunzi wakaenda kuwaambia wazazi wao ambao nao walipopeleleza kwa baadhi ya walimu walihakikishiwa kwamba ni kweli shuleni hapo kuna majini yanawasumbua wanafunzi na walimu pia,” alisema shuhuda huyo.

Ili kuwanusuru wanafunzi kutoka kwenye mauzauza hayo, wazazi waliweka kikao cha dharura na kuamua kuandika barua kwenye ofisi za serikali ya mtaa ili kuomba kibali cha kuitwa sangoma mkali, mwenye sifa, anayejua majini, afike shuleni hapo kuyafukuza.

Ilidaiwa kuwa mauzauza ya shuleni hapo ni wanafunzi wakienda chooni husikia vilio vya watoto wachanga au paka lakini hawaonekani. Wakati mwingine hupatwa na hali isiyoweza kuelezewa kwa lugha sahihi.

SANGOMA ATINGA

Ikazidi kudaiwa kuwa, serikali ya mtaa japokuwa haiamini ushirikina, iliwaruhusu wazazi hao kutekeleza azma yao lakini serikali isihusike kwa lolote litakalotokea. Siku ilifika, sangoma huyo akaitwa, akiwa na wasaidizi wake wawili, alitia timu kwenye eneo hilo na kujigamba kuwa, tabu ya majini imekwisha!  Yeye ndiye Lambalamba bwana!

Sangoma mwenye usongo (scalf) mwekundu akiingia kazini na timu yake kutuliza majini.

ATAKIWA MBUZI MNONO 

Habari zinasema kuwa, ili kazi ifanyike kwa ufanisi na kuweza kuleta tija na ili wanafunzi hao wampe tano kwa kazi, sangoma huyo alitaka mbuzi mnono kwa ajili ya kumchinja ili damu yake imwagikie eneo hilo na majini kukimbia.

Mbuzi alifikishwa, maandalizi ya uchinjaji yakafuatia huku sangoma akianza kusema maneno ya ‘kitaalamu’ kuashiria kuwa sasa kazi imeanza, majini yakae tayari kwa kukimbia eneo la shule.

Timu hiyo ya ‘Sangoma’ ikimmtoa mbuzi kafara kwa ajili ya zoezi hilo.

HALI TETE

Ikazidi kudaiwa kuwa, wakati sangoma akisemasema maneno yake ya kufukiza, ghafla alianza kuyumbayumba mpaka kujikuta yupo chini kisha akatulia tuli licha ya wananchi, wakiwemo wanafunzi kumpigia makofi.

WASAIDIZI WAHAHA

Ilibainika baadaye kwamba, sangoma huyo aliyekuwa amelala chali kama kwenye msalaba alikuwa amepoteza fahamu hivyo wasaidizi wake walianza kuhaha kwa kummwagia maji ndoo nzima ili azinduke kama siyo kurejea kwenye uhai wake (pichani).

‘Sangoma’ hao wakimsaidia mmoja wao aliyezidiwa na nguvu za majini.

Sangoma’ wakiendelea kutoa msaada kwa mwenzao aliyeshambuliwa na majini.

CHA AJABU SASA

Cha ajabu sasa, sangoma akiwa hajitambui chini na wasaidizi wake wakiendelea kumzindua, msichana mmoja ambaye hakujulikana jina mara moja, alianza kupagawa, akaishiwa nguvu huku akisemasema maneno yasiyoeleweka, watu ‘waliokula chumvi nyingi’ wakasema amekumbwa na majini.

Mmoja ya raia waliokuwa wakishabikia akiwa hoi baada ya kupigwa na majini.

“Huyo naye ni majini yamemvaa. Huenda yalipokuwa yanatolewa na mganga mengine yakahamia kwake,” alisema mzee mmoja bila kutaja jina lake. Ilibidi wasaidizi wa sangoma huyo wahamie kwake ili kumnusuru na janga hilo ambapo baada ya muda, msichana huyo alirejea katika hali yake ya kawaida.

HALI YATULIA, ZOEZI LASITISHWA

Baada ya sangoma naye kuzinduka, zoezi la kuyatoa majini shuleni hapo lilisimama huku mikakati ikiwekwa kwamba shughuli hiyo itaendelea tena siku kadhaa mbele.

Baadhi ya raia wakishudia yaliyojiri eneo la tukio.

MWENYEKITI WA MTAA ANENA

Naye Mwenyekiti wa Mtaa wa Kiluvya-Madukani, Adelaida Bruno alisema yeye alipelekewa barua ya maombi kutoka kwa wananchi wake wakimtaka awaruhusu kumuita sangoma kwa ajili ya kuwasaidia kuondoa mambo hayo ya mauzauza shuleni hapo. “Mimi kama serikali, hatuamini ushirikina, niliipokea hiyo barua, nikawaambia kama wamekubaliana kumwita sangoma kuwasaidia basi wafanye wao wenyewe. Na siku hiyo ya sangoma sikuhudhuria,” alisema mwenyekiti huyo.

MWALIMU MKUU ATUPIA KAMATI

Uwazi lilimtafuta mwalimu mkuu wa shule hiyo ambaye hakutaka kujitambulisha jina ambapo alisema siku ya tukio hakuwepo lakini alisikia kutoka kwa watu na kama ni ukweli utakuwepo kwenye kamati ya shule.

MAHOJIANO KATI YA MWANAMUZIKI YOUNG DEE NA WANA-MKASI SHOW

Mwanamuziki Young Dar es Salaam, a.k.a. Young Dee.

Kama hukuwa karibu na runinga yako jana wakati wa kipindi cha MKASI kinachorushwa na kituo cha EATV kuanzia saa 3.30 usiku hadi saa 4.00, haya ni mambo saba aliyoyazungumza mwanamuziki Young Dee kuhusiana na tatoo zake, anachofikiria kufanya kama akiacha muziki, msichana aliyemwimbia wimbo wa 'Siyo mchoyo', kukopi staili za muziki za wanamuziki wengine, kuhusu yeye na shule na kuhusu madawa ya kulevya.

Mmojawapo wa hosts wa kipindi cha Mkasi Show, Salama Jabir.

SALAMA: "Mara yako ya kwanza kuchora tatoo ulikuwa una miaka mingapi?"

YOUNG DEE: "Actually sikumbuki nilikuwa na miaka mingapi, tatoo yangu ya kwanza imeandikwa 'The City of David'... hii ndiyo project ambayo naifanya hadi sasa hivi kuanzia kwenye 'Dada anaolewa', 'Tunapeta' hadi sasa hivi nyimbo zangu zinazotoka ni project ambayo nimeanza kuifanya muda mrefu. Nina kama miaka mitano kama sikosei kwa hiyo miaka mitano iliyopita ndiyo nilichora tatoo yangu ya kwanza"

SALAMA:  "Wewe kwa jinsi ulivyo, unadhani utafanya muziki maisha yako yote? cha pili, kama ukiamua kuacha muziki na kufanya kitu kingine, pengine kufanya kazi benki, UN ama wherever, hauhisi kwamba maamuzi yako ambayo unayafanya sasa hivi yanaweza yakakugharimu kwa vitu vya baadaye?"

YOUNG DEE: "Sijawahi kufikiria kufanya kazi UN au benki wala nini, wala kuwa mwanajeshi.  Sijawahi kufikiria hivyo, wala sitamani, wala sita-enjoy na sitapenda na siwezi kufanya kitu ambacho sikipendi, lazima nifanye kitu ambacho nakipenda.  Hata kama hakinilipi kabisa kama nakipenda, naenjoy kukifanya then I will do it mpaka nitakapofariki"

MUBA: "Ule wimbo ulioutoa juzi unaoitwa 'Siyo Mchoyo' nimesikia baadhi ya watu wanaongea kwamba kweli kuna demu ambaye kabisa yupo, ni ukweli kwamba ulimwandikia demu yeyote?"

YOUNG DEE: "Huyo demu ndiyo yupo na siyo mchoyo kweli.  Mimi hata sikuutunga sana yaani kwa sababu nimechoka kutunga siku hizi, naongea kitu ambacho nakiona"

MUBA:  "Wanasemaga Young Dee anakopi sana staili, yaani unasikiliza nyimbo za akina Lil Wayne halafu unakuja kuchukua staili katika mashairi ya mtu. Ukweli ukoje kuhusu hili?"

YOUNG DEE:  "Sijawahi kukopi mashairi ya mtu.  Kusikiliza ni kweli nasikiliza sababu mimi muziki kwangu ni maisha yangu so lazima nisikilize muziki, mtu hawezi kunichagulia nini cha kusikiliza."

SALAMA: "Wewe ni kijana na umeanza kufanya kazi muda mrefu sana, niambie shule yako ikoje?"

YOUNG DEE: "Nimeishia O level, mambo ya kifamilia nikashindwa kuendelea tena so ikabidi nitafute ugali kwa staili nyingine, ndiyo ikawa hivyo.  Bado nafikiria kurudi shule lakini nitakapojua nini nakitaka shuleni, nikishaweka akili yangu hivyo then nitarudi shule."

SALAMA:  "Ni kitu gani ambacho kimeshawahi kukuumiza sana katika maisha yako?"

YOUNG DEE:  "Ni ishu kuhusu mimi kujihusisha na madawa ya kulevya. Mwanzo nilikuwa nikisikia inasemwasemwa ila nilichukulia kawaida sababu ni kitu ambacho si cha kweli ila nilipoona hadi washikaji zangu na watu wa karibu nao wanaonesha kunishuku kuhusu hilo ndo nikaona ni ishu ipo serious."

Mwanamuziki Young Dee (kushoto) akiwa na Crew nzima ya Mkasi Show.